Нидерландиянинг НЕК клуби матбуот хизмати расмий сайтида "Валенсия" дарвозабони Яспер Силлессеннинг трансфери ҳақида маълум қилди.
Трансфер суммаси бир миллион еврони ташкил қилди. Дарвозабон Неймеген шаҳри клуби билан 2025 йилнинг ёзига қадар шартнома имзолади.
33 ёшли Силлессен айнан НЕК тарбияланувчиси ҳисобланади. У 2019 йилдан бери "Валенсия"да ўйнаб келаётган эди. Умуман олганда, нидерландиялик футболчи испан клуби сафида барча мусобақаларда 57 та ўйин ўтказиб, 81 та гол ўтказиб юборган.
Илгари у "Аякс" ва "Барселона"да ўйнаган. Яспер Нидерландия терма жамоаси сафида 63 та ўйин ўтказган. 3 карра Нидерландия чемпиони, 2 карра Испания чемпиони, 2 карра Испания кубоги соҳиби, Нидерландия Суперкубоги соҳиби, Испания Суперкубоги соҳиби.
