"Manchester Siti" himoyachisi Ruben Diash hujumchi Erling Xoland "Vest Xem"ga qarshi safarda Premyer-ligadagi debyutida dubl qayd etganidan xursand.
“Biz bir-birimiz bilan tanishish jarayonidamiz. O‘yinlar jarayonni tezlashtirishi kerak. Birinchi uchrashuvdayoq dubl qayd etganidan juda xursandman. Menimcha, bu uning ishonchi va butun jamoa uchun juda yaxshi”, - dedi Diash “Manchester Siti” rasmiy saytiga bergan intervyusida.
Eslatib o‘tamiz, Xoland shu yozda "Borussiya Dortmund"dan 75 million yevro evaziga "Etihad"ga o‘tgan edi.