"Nissa" "Shaxtyor" va Ukraina terma jamoasi yarim himoyachisi Mixaylo Mudrikni sotib olmoqchi, deb xabar beradi Footmercato.
Manbaga ko‘ra, fransuz klubi yozgi transfer oynasida futbolchini sotib olmoqchi va u uchun 20 million yevro taklif qilgan.
Oldinroq “Bayer” futbolchini sotib olmoqchi ekani xabar qilingandi, biroq nemislar “Shaxtyor” rahbariyati yarim himoyachining narxini doimiy ravishda oshirib borgani uchun bu transferni rad etishdi.
O‘tgan mavsumda 20 yoshli Mudrik “Shaxtyor” safida barcha turnirlar doirasida 19 ta o‘yinda maydonga tushib, 2 ta gol urdi va 9 ta golli uzatmani amalga oshirdi. Uning klub bilan shartnomasi 2026 yilning 31 dekabrigacha amal qiladi.