"Ницца" "Шахтёр" ва Украина терма жамоаси ярим ҳимоячиси Михайло Мудрикни сотиб олмоқчи, деб хабар беради Footmercato.
Манбага кўра, француз клуби ёзги трансфер ойнасида футболчини сотиб олмоқчи ва у учун 20 миллион евро таклиф қилган.
Олдинроқ “Байер” футболчини сотиб олмоқчи экани хабар қилинганди, бироқ немислар “Шахтёр” раҳбарияти ярим ҳимоячининг нархини доимий равишда ошириб боргани учун бу трансферни рад этишди.
Ўтган мавсумда 20 ёшли Мудрик “Шахтёр” сафида барча турнирлар доирасида 19 та ўйинда майдонга тушиб, 2 та гол урди ва 9 та голли узатмани амалга оширди. Унинг клуб билан шартномаси 2026 йилнинг 31 декабригача амал қилади.
