"Verona" hujumchisi Jovanni Simeone "Napoli"ga o‘tadi, deb yozmoqda jurnalist Fabrisio Romano o‘zining Twitter sahifasida.
Manbaga ko‘ra, neapolliklar klubi futbolchini 12 million yevroga sotib olish huquqi bilan 3,5 million yevroga ijaraga oladi.
27 yoshli Jovanni "Atletiko Madrid" bosh murabbiyi Diyego Simeonening o‘g‘lidir. U o‘tgan mavsumda "Verona" safida 37 ta o‘yinda maydonga tushib, 17 ta gol urdi va 6 ta golli uzatmani amalga oshirdi.