"Roma" yarim himoyachisi Nikolo Dzanyoloni "Tottenxem"ga sotishdan bosh tortdi, deb xabar beradi The Times.
Manbaga ko‘ra, London klubi 23 yoshli italiyalikni 20 million funtga sotib olish majburiyati bilan ijaraga olmoqchi bo‘lgan, biroq "Roma" bu taklifni rad etgan.
Dzanyolo o‘tgan mavsumda rimliklar safida barcha turnirlarda 42 o‘yinda 8 ta gol urdi va 9 ta golli uzatmani amalga oshirdi. Yarim himoyachining klub bilan shartnomasi 2024 yilning 30 iyuniga qadar mo‘ljallangan.