"Рома" ярим ҳимоячиси Николо Дзаньолони "Тоттенхэм"га сотишдан бош тортди, деб хабар беради The Times.
Манбага кўра, Лондон клуби 23 ёшли италияликни 20 миллион фунтга сотиб олиш мажбурияти билан ижарага олмоқчи бўлган, бироқ "Рома" бу таклифни рад этган.
Дзаньоло ўтган мавсумда римликлар сафида барча турнирларда 42 ўйинда 8 та гол урди ва 9 та голли узатмани амалга оширди. Ярим ҳимоячининг клуб билан шартномаси 2024 йилнинг 30 июнига қадар мўлжалланган.