"Yuventus" yarim himoyachisi Adriyen Rabyo "Manchester Yunayted"ga o‘tishdan bosh tortishi mumkin, deb xabar beradi La Gazzetta dello Sport.
Manba bergan xabarga ko‘ra, klublar 20 million yevro evaziga transfer bo‘yicha kelishuvga erishgan bo‘lsalar-da, 27 yoshli fransiyalik futbolchi haligacha "Manchester Yunayted" taklifiga aniq javob bermagan.
Qayd etilishicha, yarim himoyachini 2023 yilning 30 iyuniga qadar mo‘ljallangan shartnomasi yakunlangach, "Yuventus"ni tark etish imkoniyati qiziqtirmoqda.
O‘tgan mavsumda Rabyo turinliklar safida barcha musobaqalarda 45 ta o‘yinda 2 ta golli uzatmani amalga oshirgan.
