"Ювентус" ярим ҳимоячиси Адриен Рабьо "Манчестер Юнайтед"га ўтишдан бош тортиши мумкин, деб хабар беради La Gazzetta dello Sport.
Манба берган хабарга кўра, клублар 20 миллион евро эвазига трансфер бўйича келишувга эришган бўлсалар-да, 27 ёшли франциялик футболчи ҳалигача "Манчестер Юнайтед" таклифига аниқ жавоб бермаган.
Қайд этилишича, ярим ҳимоячини 2023 йилнинг 30 июнига қадар мўлжалланган шартномаси якунлангач, "Ювентус"ни тарк этиш имконияти қизиқтирмоқда.
Ўтган мавсумда Рабьо туринликлар сафида барча мусобақаларда 45 та ўйинда 2 та голли узатмани амалга оширган.
