"Napoli" "Verona" hujumchisi Jovanni Simeoneni o‘z safiga qo‘shib olishga yaqin turibdi. Jurnalist Janluka Di Marsioning so‘zlariga ko‘ra, tomonlar allaqachon transfer shartlarini kelishib olishgan.
Neapolliklar 27 yoshli argentinalik futbolchini majburiy sotib olish sharti bilan ijaraga olishadi.
Sotib olish variantini faollashtirgandan so‘ng, futbolchi "Napoli" bilan yiliga 1,7 million yevro maosh bilan 2027 yilgacha shartnoma imzolashi kerak bo‘ladi.
Simeone o‘tgan mavsumda "Verona" tarkibida 36 o‘yinda 17 ta gol urdi va 6 ta golli uzatmani amalga oshirdi.
