"Barselona" La Ligada ishtirok etish uchun yangi kelgan futbolchilarni ro‘yxatga olish ishlarini davom ettirmoqda.
Klub bugun "Rayo Valyekano"ga qarshi La Liganing ochilish o‘yinida ishtirok etishi mumkin bo‘lgan 5 nafar yangi futbolchidan 4 nafarini ro‘yxatdan o‘tkazdi.
Hozircha ro‘yxatdan o‘tmagan faqat himoyachi Jyul Kunde qoldi. Buning uchun kataloniyaliklar qo‘shimcha ravishda 20 million yevrodan ko‘proq daromad olishlari kerak.
Fransiyalik futbolchi sog‘lig‘idagi biroz noqulaylik tufayli baribir "Rayo" bilan o‘yin uchun tarkibga kiritilmagan bo‘lardi.
“Ko‘k-anorranglilar” bugun, 13 avgust kuni “Rayo Valyekano”ni o‘z maydonida qabul qiladi.
