"Барселона" Ла Лигада иштирок этиш учун янги келган футболчиларни рўйхатга олиш ишларини давом эттирмоқда.
Клуб бугун "Райо Вальекано"га қарши Ла Лиганинг очилиш ўйинида иштирок этиши мумкин бўлган 5 нафар янги футболчидан 4 нафарини рўйхатдан ўтказди.
Ҳозирча рўйхатдан ўтмаган фақат ҳимоячи Жюль Кунде қолди. Бунинг учун каталонияликлар қўшимча равишда 20 миллион евродан кўпроқ даромад олишлари керак.
Франциялик футболчи соғлиғидаги бироз ноқулайлик туфайли барибир "Райо" билан ўйин учун таркибга киритилмаган бўларди.
“Кўк-анорранглилар” бугун, 13 август куни “Райо Вальекано”ни ўз майдонида қабул қилади.
