Argentinaning “Boka Xuniors” klubi futbolchilari o‘rtasida jiddiy mojaro yuzaga keldi. Mamlakat chempionati doirasida “Rasing” jamoasiga qarshi o‘yinning tanaffus vaqtida hujumchi Dario Benedetto va himoyachi Karlos Zambrano o‘rtasida mushtlashuv kelib chiqdi. Uchrashuvning ikkinchi bo‘limida futbolchilar yuzlari ko‘kargan holda maydonga tushishdi.
Klub sodir bo‘lgan voqeaga allaqachon munosabat bildirgan. Zambrano va Benedetto jamoaning bo‘lajak o‘yinlaridan chetlashtirilgani ma’lum bo‘ldi. Ular "Rosario Sentral" va "Defensa va Xustisiya" jamoalari qarshi bo‘lib o‘tadigan o‘yinda maydonga tushishmaydi. Hozircha intizomni buzganlarga nisbatan moliyaviy jazolari haqida hech qanday ma’lumot berilmagan.
