Milanning “Inter” klubi yangi futbolchisi Genrix Mxitaryan jarohat sababli safdan chiqdi. “Neradzurrilar” matbuot xizmati xabariga ko‘ra, futbolchi tibbiy ko‘rikdan o‘tgan.

Mxitaryan tizzasidan olgan jarohati bois 2-3 haftani maydon tashqarisida o‘tkazadi. Eslatib o‘tamiz, yarim himoyachi Italiya chempionatining 1-turi doirasidagi "Lechche"ga qarshi o‘yinda (2:1) jarohat olgan edi.

Armanistonlik yarim himoyachi shu yozda “Roma” klubidan “Inter”ga ko‘chib o‘tgan edi. U milanliklar bilan ikki yillik shartnoma tuzdi.

A Seriyaning 2-turida “Inter” o‘z maydonida “Spesiya”ni qabul qiladi.