Миланнинг “Интер” клуби янги футболчиси Генрих Мхитарян жароҳат сабабли сафдан чиқди. “Нерадзуррилар” матбуот хизмати хабарига кўра, футболчи тиббий кўрикдан ўтган.

Мхитарян тиззасидан олган жароҳати боис 2-3 ҳафтани майдон ташқарисида ўтказади. Эслатиб ўтамиз, ярим ҳимоячи Италия чемпионатининг 1-тури доирасидаги "Лечче"га қарши ўйинда (2:1) жароҳат олган эди.

Арманистонлик ярим ҳимоячи шу ёзда “Рома” клубидан “Интер”га кўчиб ўтган эди. У миланликлар билан икки йиллик шартнома тузди.

А Сериянинг 2-турида “Интер” ўз майдонида “Специя”ни қабул қилади.