Франциялик ҳужумчи Усмон Дембеленинг «Пари Сен-Жермен» клубида қолиш эҳтимоли жуда юқори. Бу ҳақда журналист Фабрис Хокинс хабар бермоқда.

Манбанинг таъкидлашича, янги шартнома бўйича музокаралар хотиржам муҳитда кечмоқда. Барча келишувларга Жаҳон чемпионати якунланганидан кейин эришилиши кутиляпти. Хориждан бир нечта таклифлар бўлишига қарамай, Дембеле «ПСЖ»дан кетиш вариантини умуман кўриб чиқмаяпти.

Дембеле 2023 йилда «Барселона»дан кўчиб ўтганидан буён Париж клуби шарафини ҳимоя қилиб келмоқда. Жамоа таркибида у икки бор Чемпионлар лигасида ғолиб чиқди ва «Олтин тўп» соҳибига айланди.

Якунланган клуб мавсумида 29 ёшли ҳужумчи барча турнирларда 40 та ўйинда майдонга тушиб, 20 та гол урди ва 11 та голли узатмани амалга оширди.