Fransiyalik hujumchi Usmon Dembelening «Pari Sen-Jermen» klubida qolish ehtimoli juda yuqori. Bu haqda jurnalist Fabris Xokins xabar bermoqda.

Manbaning ta’kidlashicha, yangi shartnoma bo‘yicha muzokaralar xotirjam muhitda kechmoqda. Barcha kelishuvlarga Jahon chempionati yakunlanganidan keyin erishilishi kutilyapti. Xorijdan bir nechta takliflar bo‘lishiga qaramay, Dembele «PSJ»dan ketish variantini umuman ko‘rib chiqmayapti.

Dembele 2023 yilda «Barselona»dan ko‘chib o‘tganidan buyon Parij klubi sharafini himoya qilib kelmoqda. Jamoa tarkibida u ikki bor Chempionlar ligasida g‘olib chiqdi va «Oltin to‘p» sohibiga aylandi.

Yakunlangan klub mavsumida 29 yoshli hujumchi barcha turnirlarda 40 ta o‘yinda maydonga tushib, 20 ta gol urdi va 11 ta golli uzatmani amalga oshirdi.