“Liverpul” klubining misrlik hujumchisi Muhammad Saloh Misr poytaxti Qohiradagi cherkovni ta’mirlash uchun katta mablag‘ xayriya qilgan. Bu haqda The National gazetasi xabar bermoqda.

Manbaga ko‘ra, hujumchi ibodatxona ta’miri uchun taxminan 3 million Misr junayhi (taxminan 150 ming yevro) o‘tkazgan. Bundan tashqari futbolchi voqea yuzasidan hamdardlik bildirgan.

Eslatib o‘tamiz, Qohiraning Imbama tumanidagi cherkovda yuz bergan yong‘in oqibatida kamida 41 kishi halok bo‘lgani, o‘nlab kishilar jarohatlangani xabar qilingandi. Yong‘inga kondisionerdagi qisqa tutashuv sabab bo‘lgani aytilgan. Halok bo‘lganlarning aksariyati tutundan bo‘g‘ilib vafot etgan.

Ma’lumot o‘rnida. Saloh avvalroq Buyuk Britaniyadagi eng ko‘p ehson qiluvchi odamlaridan biri sifatida tan olingan edi. Muhammad Saloh yaqinda "Oltin to‘p" mukofotiga nomzodlardan biri sifatida ko‘rsatildi.