"So‘g‘diyona" bugun OFK kubogi Markaziy Osiyo mintaqasi finalida g‘olib chiqqach, O‘zbekiston OFK koeffisiyentlar jadvalida o‘z o‘rnini mustahkamladi. Bu haqda Alisher Nikimbayev telegramdagi kanali orqali xabar bermoqda.
O‘zbekiston jadvalda o‘z ochkolarini 45.057taga yetkazib oldi va 2-o‘rinni egallab turibdi. "So‘g‘diyona" va "Nasaf" ushbu mavsumda boshqa ochko ololmasa ham, Eronning "Fulad" klubi asosiy vaqtdagi barcha uchrashuvlarda g‘alaba qozonib, Chempionlar Ligasi g‘olibiga aylangan taqdirda ham, O‘zbekiston 45,057 ball, Eron esa 44,975 ballga ega bo‘ladi. Ya’ni hozirda 3-o‘rinni egallab turgan Eron har qanday holatda ham 2-o‘ringa chiqa olmaydi.
