"Сўғдиёна" бугун ОФК кубоги Марказий Осиё минтақаси финалида ғолиб чиққач, Ўзбекистон ОФК коэффициентлар жадвалида ўз ўрнини мустаҳкамлади. Бу ҳақда Алишер Никимбаев телеграмдаги канали орқали хабар бермоқда.
Ўзбекистон жадвалда ўз очколарини 45.057тага етказиб олди ва 2-ўринни эгаллаб турибди. "Сўғдиёна" ва "Насаф" ушбу мавсумда бошқа очко ололмаса ҳам, Эроннинг "Фулад" клуби асосий вақтдаги барча учрашувларда ғалаба қозониб, Чемпионлар Лигаси ғолибига айланган тақдирда ҳам, Ўзбекистон 45,057 балл, Эрон эса 44,975 баллга эга бўлади. Яъни ҳозирда 3-ўринни эгаллаб турган Эрон ҳар қандай ҳолатда ҳам 2-ўринга чиқа олмайди.
