"Chelsi" "Barselona"ning talablarini qondirmoqchi emas.
Insayder Fabrisio Romanoning so‘zlariga ko‘ra, "ko‘klar" hujumchi Pyer-Emerik Obameyang uchun ortiqcha pul to‘lamoqchi emas. Har qanday holatda londonliklar kataloniyaliklar umid qilayotgan 30 million yevroni to‘lamaydi.
"Chelsi" bu kelishuv uchun 15 million funt sterling (deyarli 17,7 million yevro) sarflamoqchi.
Futbolchining o‘zi bilan shartnoma shartlari deyarli kelishib olindi. Avvalroq uning maoshi qariyb ikki barobarga oshishi xabar qilingandi.