Hujumchi Memfis Depayning agenti Turin shahriga uchib ketdi. U futbolchining "Yuventus"ga o‘tishi bo‘yicha muzokaralarni yakunlashi kerak, deya xabar berdi jurnalist Janluka Di Marsio.
"Barselona" 28 yoshli hujumchi bilan shartnomani bekor qilishga tayyor, u erkin agent sifatida turinliklar jamoasiga o‘tishi mumkin.
Biroq "byankonerilar" rahbariyati niderlandiyalik futbolchi bilan uning maoshi va boshqa shartlar bo‘yicha muzokaralarni davom ettirmoqda.
O‘tgan mavsumda futbolchi "Barselona" safida barcha turnirlar doirasida 37 ta o‘yinda maydonga tushib, 13 ta gol urdi va 2 ta golli uzatmani amalga oshirdi. Depayning kataloniyaliklar bilan amaldagi shartnomasi 2023 yilning 30 iyuniga qadar tuzilgan.
