Ҳужумчи Мемфис Депайнинг агенти Турин шаҳрига учиб кетди. У футболчининг "Ювентус"га ўтиши бўйича музокараларни якунлаши керак, дея хабар берди журналист Жанлука Ди Марцио.
"Барселона" 28 ёшли ҳужумчи билан шартномани бекор қилишга тайёр, у эркин агент сифатида туринликлар жамоасига ўтиши мумкин.
Бироқ "бьянконерилар" раҳбарияти нидерландиялик футболчи билан унинг маоши ва бошқа шартлар бўйича музокараларни давом эттирмоқда.
Ўтган мавсумда футболчи "Барселона" сафида барча турнирлар доирасида 37 та ўйинда майдонга тушиб, 13 та гол урди ва 2 та голли узатмани амалга оширди. Депайнинг каталонияликлар билан амалдаги шартномаси 2023 йилнинг 30 июнига қадар тузилган.
