«ПСЖ» «Монако» вингери Магнес Аклиуш билан шахсий шартнома шартларини келишиб олди, деб хабар бермоқда RMC Sport журналисти Фабрис Хокинс.

Манбанинг маълумотларига кўра, томонлар беш йиллик битим борасида бир қарорга келишган. Эндиликда Париж клуби 24 ёшли футболчининг эҳтимолий трансфери бўйича «Монако» билан музокаралар олиб бормоқда.

Аклиуш монегасклар тарбияланувчиси ҳисобланади. Унинг клуб билан амалдаги шартномаси 2028 йилнинг 30 июнигача мўлжалланган. Transfermarkt талқинига кўра, француз вингерининг баҳоси 50 миллион еврони ташкил этади.

Якунланган мавсумда Аклиуш «Монако» сафида барча турнирларда 43 та ўйинда майдонга тушиб, 7 та гол урди ва 10 та голли узатмани амалга оширди.