«PSJ» «Monako» vingeri Magnes Akliush bilan shaxsiy shartnoma shartlarini kelishib oldi, deb xabar bermoqda RMC Sport jurnalisti Fabris Xokins.
Manbaning ma’lumotlariga ko‘ra, tomonlar besh yillik bitim borasida bir qarorga kelishgan. Endilikda Parij klubi 24 yoshli futbolchining ehtimoliy transferi bo‘yicha «Monako» bilan muzokaralar olib bormoqda.
Akliush monegasklar tarbiyalanuvchisi hisoblanadi. Uning klub bilan amaldagi shartnomasi 2028 yilning 30 iyunigacha mo‘ljallangan. Transfermarkt talqiniga ko‘ra, fransuz vingerining bahosi 50 million yevroni tashkil etadi.
Yakunlangan mavsumda Akliush «Monako» safida barcha turnirlarda 43 ta o‘yinda maydonga tushib, 7 ta gol urdi va 10 ta golli uzatmani amalga oshirdi.
