"Manchester Yunayted" delegasiyasi Kataloniyaga "Barselona" yarim himoyachisi Frenki de Yongga so‘nggi taklifni yuborish uchun yo‘l oldi, deb xabar beradi De Telegraaf.
25 yoshli niderlandiyalik futbolchi ingliz klubining asosiy transfer maqsadlari ro‘yxatida qolmoqda.
Avvalroq kataloniyaliklar yarim himoyachidan maoshini 50 foizga kamaytirish yoki klubni tark etishni talab qilayotgani xabar qilingandi.
De Yong o‘tgan mavsumda kataloniyaliklar safida barcha turnirlarda 46 o‘yinda 4 ta gol urdi va 5 ta golli uzatmani amalga oshirdi. Niderlandiyalik futbolchining klub bilan shartnomasi 2026 yilning 30 iyuniga qadar amal qiladi.
