"Манчестер Юнайтед" делегацияси Каталонияга "Барселона" ярим ҳимоячиси Френки де Йонгга сўнгги таклифни юбориш учун йўл олди, деб хабар беради De Telegraaf.
25 ёшли нидерландиялик футболчи инглиз клубининг асосий трансфер мақсадлари рўйхатида қолмоқда.
Аввалроқ каталонияликлар ярим ҳимоячидан маошини 50 фоизга камайтириш ёки клубни тарк этишни талаб қилаётгани хабар қилинганди.
Де Йонг ўтган мавсумда каталонияликлар сафида барча турнирларда 46 ўйинда 4 та гол урди ва 5 та голли узатмани амалга оширди. Нидерландиялик футболчининг клуб билан шартномаси 2026 йилнинг 30 июнига қадар амал қилади.
