Yevropa chempionlar ligasida saralash bosqichi yakunlanib, guruh bosqichida ishtirok etadigan barcha 32ta jamoaning nomi aniq bo‘ldi. Bugun esa musobaqaning guruh bosqichiga qur’a tashlash marosimi bo‘lib o‘tadi.

Qachon va qayerda?
Qur’a marosimi 25 avgust, payshanba kuni Turkiyaning Istanbul shahrida o‘tkaziladi. Tadbir Toshkent vaqti bilan 21:00da boshlanadi. Marosimni “Sport” kanali jonli translyasiya qilishi rejalashtirgan.

Kimlar ishtirok etadi?
Guruh bosqichi yo‘llanmasini qo‘lga kiritgan 26 ta jamoa va saralash bosqichidan o‘tgan 6ta klub qur’ada ishtirok etishadi. UYEFA klublar reytingi asosida jamoalar 4ta savatchaga bo‘lingan. Savatchalar bilan tanishtirib o‘tamiz.

1-SAVAT
"Real" (Ispaniya, YECHLning amaldagi g‘olibi)
"Ayntraxt" (Germaniya, Yevropa ligasining amaldagi g‘olibi)
"Manchester Siti" (Angliya)
"Milan" (Italiya)
"Bavariya" (Germaniya)
"Pari Sen-Jermen" (Fransiya)
"Portu" (Portugaliya)
"Ayaks" (Niderlandiya)

2-SAVAT
"Liverpul" (Angliya)
"Chelsi" (Angliya)
"Barselona" (Ispaniya)
"Yuventus" (Italiya)
"Atletiko" (Ispaniya)
"Sevilya" (Ispaniya)
"Leypsig" (Germaniya)
"Tottenxem" (Angliya)

3-SAVAT
"Borussiya" Dortmund (Germaniya)
"Zalsburg" (Avstriya)
"Shaxter" (Ukraina)
"Inter" (Italiya)
"Napoli" (Italiya)
"Sporting" (Portugaliya)
"Bayer" (Germaniya)
"Olimpik" (Fransiya)

4-SAVAT
"Benfika" (Portugaliya)
"Bryugge" (Belgiya)
"Seltik" (Shotlandiya)
"Makkabi" Xayfa (Isroil)
"Viktoriya" (Chexiya)
"Reynjers" (Shotlandiya)
"Kopengagen" (Daniya)
"Dinamo" Zagreb (Xorvatiya)

Qur’a mexanizmi
1. Bir savatcha vakillari bir guruhdan o‘rin olmaydi.

2. Bir mamlakat jamoalari bir guruhga tushmaydi.

3. Bir davlatning ikkita jamoasi bo‘lsa, ularning o‘yinlarini seshanba va chorshanba kunlariga qo‘yish maqsadida jamoalardan biri dastlabki 4ta guruhdan biriga ("A" - "D"), ikkinchisi qolgan guruhlarga ("E" - "H") joylashtiriladi. To‘rtta jamoa bilan ishtirok etayotgan mamlakat vakillariga nisbatan ham shunday qoida qo‘llaniladi.

4. Boshqa cheklovlar haqida qur’a jarayonida ma’lum qilinadi.

Taqvim
Qur’adan so‘ng musobaqa taqvimi ishlab chiqiladi. Guruh bosqichi 8 hafta ichida o‘tkaziladi. So‘nggi tur o‘yinlari 1 va 2 noyabr kunlari o‘tkaziladi (20 noyabr kuni JCH-2022 boshlanishi sababli). Guruhlarda dastlabki 2ta o‘rinni egallagan jamoalar nimchorak finalga yo‘l oladi. Uchinchi o‘rin egalari o‘z ishtirokini Yevropa ligasida davom ettirishadi.

Sanalar
1-tur: 6/7 sentyabr
2-tur: 13/14 sentyabr
3-tur: 4/5 oktyabr
4-tur: 11/12 oktyabr
5-tur: 25/26 oktyabr
6-tur: 1/2 noyabr
1/8 final qur’asi: 7 noyabr

Final qayerda o‘tadi?
Final uchrashuvi 2023 yilning 10 iyun kuni Istanbuldagi "Otaturk" stadionida bo‘lib o‘tadi. Bu o‘sha 2005 yilda "Liverpul" va "Milan" jamoalari o‘rtasidagi finalga mezbonlik qilgan stadion.