24 avgust, chorshanba kuni Chempionlar ligasi guruh bosqichining barcha ishtirokchilari aniqlandi. Ular orasida Turkiyaning birorta klubi yo‘q.
Saralash bosqichida "Trabzonspor" "Kopengagen"ga umumiy hisobda mag‘lub bo‘ldi, "Fenerbaxche" esa Kiyev "Dinamo"siga mag‘lub bo‘ldi.
Turkiya klublari 1995/96 yilgi mavsumdan buyon ilk bor asosiy yevrokubok turnirining guruh bosqichida ishtirok etmaydi.
25 avgust, payshanba kuni Istanbulda Chempionlar ligasi guruh bosqichiga qur’a tashlash marosimi bo‘lib o‘tadi. Shuningdek, joriy mavsumda turnirning finali Turkiyada bo‘lib o‘tadi.