Saudiya Arabistonining "An-Nasr" klubi yarim himoyachisi Jaloliddin Masharipov faoliyatini Misrning "Al-Ahli" klubida davom ettirishi haqida xabar berib o‘tgandik. O‘zbekistonlik futbolchi nima uchun qohiraliklar taklifini qabul qilganini aytib o‘tdi.

— "Al-Ahli" bilan muzokara qanday boshlandi?
— "Al-Ahli" klubi direktorlar kengashi a’zosi 18 avgust kuni men bilan bog‘landi va men o‘z jamoasiga taklif qildi. Men esa ushbu taklifga darhol rozilik berdim.

— "Al-Ahli"ga o‘tishga rozi bo‘lishingizga nima sabab bo‘ldi? Yana boshqa takliflar ham bor edimi?
— Birinchidan, arab davlatlaridagi ko‘p narsalarni bilib oldim. Ikkinchidan, "Al-Ahli" klubi muxlislari ajoyib ekanidan xabarim bor. Bundan tashqari, Misr chempionati kuchli hisoblanadi.

Birlashgan Arab Amirliklarining "Shabab al-Ahli" klubidan ham taklif bor edi. Ular meni ortga qaytarishni istashdi. Shuningdek, Angliyaning "Xall Siti" klubidan taklif tushdi. Ammo men Afrikaning eng kuchli chempionatida o‘ynashga qaror qildim.

— Misr va O‘zbekiston terma jamoalarining sobiq bosh murabbiyi Ektor Kuper bilan maslahatlashdingizmi?
— Yo‘q, u bilan gaplashmadim.

— Hozir qayerdasiz? Qachon Qohiraga yo‘l olasiz?
— Hozircha Saudiya Arabistonidaman. "Al-Ahli" bilan shartnoma imzolaganimdan so‘ng Misrga yo‘l olaman.

— "Al-Ahli" bilan qancha muddatga shartnoma imzolaysiz?
— "Al-Ahli" meni bir yilga ijaraga olib, kelasi mavsumda transferimni sotib oladi. Kelishuvning moliyaviy jihatlarini oshkor qilishni istamasdim.

— Ma’lumotlarga qaraganda, siz Saudiya Arabistonida til bilan bog‘liq muammoga duch kelgansiz. Boisi, siz faqat o‘zbek tilida gapirgansiz. Misrda ham shunday qilmoqchimisiz?
— Haqiqatan ham men o‘zbek va rus tillarida gaplashaman. Ingliz tilini ham oz-moz bilaman. Shunga qaramay, o‘ylaymanki, bu borada muammoga duch kelmayman.