Саудия Арабистонининг "Ан-Наср" клуби ярим ҳимоячиси Жалолиддин Машарипов фаолиятини Мисрнинг "Ал-Аҳли" клубида давом эттириши ҳақида хабар бериб ўтгандик. Ўзбекистонлик футболчи нима учун қоҳираликлар таклифини қабул қилганини айтиб ўтди.

— "Ал-Аҳли" билан музокара қандай бошланди?
— "Ал-Аҳли" клуби директорлар кенгаши аъзоси 18 август куни мен билан боғланди ва мен ўз жамоасига таклиф қилди. Мен эса ушбу таклифга дарҳол розилик бердим.

— "Ал-Аҳли"га ўтишга рози бўлишингизга нима сабаб бўлди? Яна бошқа таклифлар ҳам бор эдими?
— Биринчидан, араб давлатларидаги кўп нарсаларни билиб олдим. Иккинчидан, "Ал-Аҳли" клуби мухлислари ажойиб эканидан хабарим бор. Бундан ташқари, Миср чемпионати кучли ҳисобланади.

Бирлашган Араб Амирликларининг "Шабаб ал-Аҳли" клубидан ҳам таклиф бор эди. Улар мени ортга қайтаришни исташди. Шунингдек, Англиянинг "Халл Сити" клубидан таклиф тушди. Аммо мен Африканинг энг кучли чемпионатида ўйнашга қарор қилдим.

— Миср ва Ўзбекистон терма жамоаларининг собиқ бош мураббийи Эктор Купер билан маслаҳатлашдингизми?
— Йўқ, у билан гаплашмадим.

— Ҳозир қаердасиз? Қачон Қоҳирага йўл оласиз?
— Ҳозирча Саудия Арабистонидаман. "Ал-Аҳли" билан шартнома имзолаганимдан сўнг Мисрга йўл оламан.

— "Ал-Аҳли" билан қанча муддатга шартнома имзолайсиз?
— "Ал-Аҳли" мени бир йилга ижарага олиб, келаси мавсумда трансферимни сотиб олади. Келишувнинг молиявий жиҳатларини ошкор қилишни истамасдим.

— Маълумотларга қараганда, сиз Саудия Арабистонида тил билан боғлиқ муаммога дуч келгансиз. Боиси, сиз фақат ўзбек тилида гапиргансиз. Мисрда ҳам шундай қилмоқчимисиз?
— Ҳақиқатан ҳам мен ўзбек ва рус тилларида гаплашаман. Инглиз тилини ҳам оз-моз биламан. Шунга қарамай, ўйлайманки, бу борада муаммога дуч келмайман.