Madridning “Real” klubi bosh murabbiyi Karlo Anchelotti Yevropaning eng yaxshi murabbiyi sovrinini qo‘lga kiritgan bo‘lsa, hujumchi Karim Benzema UEFA talqini bo‘yicha yilning eng yaxshi futbolchisi deb topildi.
"Aql bovar qilmas mavsumni o‘tkazdik", - deydi italiyalik murabbiy o‘z taassurotlari bilan o‘rtoqlashar ekan.
“Ustozim Arrigo Sakkiga, shuningdek, futbolchilarim, muxlislarim, oilam, “Real”ning barcha xodimlari va klub prezidentiga rahmat aytmoqchiman.
Bizda ajoyib tarkib bor, u yerda yosh futbolchilar tajribalilar bilan yaxshi munosabatda bo‘lishadi”, - deydi Anchelotti, shuningdek, u Karim Benzemani alohida ta’kidlab o‘tdi: “Bizda Benzemadek o‘yinchi o‘ynaganidan juda baxtiyormiz. Unga ega bo‘lgan barcha futbol klubi omadli".
