25 avgust, payshanba kuni Konferensiya ligasi va Yevropa ligasi pley-off bosqichining javob o‘yinlari bo‘lib o‘tdi. Ularning natijalariga ko‘ra Konferensiya ligasi guruh bosqichining barcha ishtirokchilari aniqlandi.

26 avgust juma kuni Istanbulda Konferensiyalar ligasi guruh bosqichiga qur’a tashlash marosimi bo‘lib o‘tadi. Qur’a tashlash marosimida Konferensiyalar Ligasi pley-off bosqichining 22 g‘olibi va Yevropa Ligasi pley-off bosqichidan chiqqan 10 jamoa ishtirok etadi.

Konferensiyalar ligasi guruh bosqichi 8 sentyabrdan 3 noyabrgacha bo‘lib o‘tadi. Guruh g‘oliblari 1/8 finalga yo‘l oladi, ikkinchi o‘rin egalari esa Yevropa Ligasi guruh bosqichida uchinchi o‘rinni egallagan sakkizta klubga qarshi pley-off o‘yinlarini o‘tkazadi.