"Kristal Pelas" shanba kuni APLning 4-turi doirasida o‘z maydonida "Manchester Siti"ni qabul qiladi. "Burgutlar" hujumchisi Uilfrid Zaxa jarohati tufayli maydonga tusha olmaydi, bu Patrik Viyeyra jamoasi uchun jiddiy zarba bo‘ladi.
The Athletic xabariga ko‘ra, "Aston Villa"ga qarshi o‘yinda Zaxaning oyog‘ida muammo paydo bo‘lgan. Ushbu haftada hujumchi Angliya liga kubogi doirasidagi "Oksford Yunayted"ga qarshi o‘yinda jamoa tarkibiga kiritilmadi.
Uilfrid Zaxa Premyer-liganing so‘nggi uchta o‘yinida uchta gol urdi. Kot-d'Ivuarlik futbolchi "Liverpul"ga gol urdi va "Aston Villa"ga qarshi bahsda dubl qayd etdi.
