"Кристал Пэлас" шанба куни АПЛнинг 4-тури доирасида ўз майдонида "Манчестер Сити"ни қабул қилади. "Бургутлар" ҳужумчиси Уилфрид Заха жароҳати туфайли майдонга туша олмайди, бу Патрик Виейра жамоаси учун жиддий зарба бўлади.
The Athletic хабарига кўра, "Астон Вилла"га қарши ўйинда Заханинг оёғида муаммо пайдо бўлган. Ушбу ҳафтада ҳужумчи Англия лига кубоги доирасидаги "Оксфорд Юнайтед"га қарши ўйинда жамоа таркибига киритилмади.
Уилфрид Заха Премьер-лиганинг сўнгги учта ўйинида учта гол урди. Кот-д'Ивуарлик футболчи "Ливерпуль"га гол урди ва "Астон Вилла"га қарши баҳсда дубл қайд этди.