«Манчестер Юнайтед» клубининг собиқ футболчиси Пол Скоулз жамоа воз кечиши керак бўлган ўйинчилар номини маълум қилди. Гап саккиз нафар футболчи ҳақида кетмоқда. Собиқ ярим ҳимоячининг ушбу фикрлари оммабоп The Good, The Bad and The Football подкасти давомида янгради. Унинг «қора рўйхати»дан Люк Шоу ва Гарри Магуайр, шунингдек, Мануэль Угарте, Жошуа Зиркзее ҳамда Мэйсон Маунт каби футболчилар ўрин олди.
«Магуайрга ишониб бўлишига шубҳам бор, айниқса, Чемпионлар лигасида ғалаба қозонишни истасангиз. Шоу жуда кам майдонга тушади ва у дунёнинг энг яхшиси эмас. Маунт — ажойиб футболчи, лекин у ҳаддан ташқари кўп жароҳат олади», — дея собиқ футболчининг сўзларини келтирмоқда манба.
Қайд этиш жоизки, ҳозирда «Манчестер Юнайтед» Англия Премьер-лигаси турнир жадвалида учинчи ўринни эгаллаб турибди.
