«Manchester Yunayted» klubining sobiq futbolchisi Pol Skoulz jamoa voz kechishi kerak bo‘lgan o‘yinchilar nomini ma’lum qildi. Gap sakkiz nafar futbolchi haqida ketmoqda. Sobiq yarim himoyachining ushbu fikrlari ommabop The Good, The Bad and The Football podkasti davomida yangradi. Uning «qora ro‘yxati»dan Lyuk Shou va Garri Maguayr, shuningdek, Manuel Ugarte, Joshua Zirkzee hamda Meyson Maunt kabi futbolchilar o‘rin oldi.
«Maguayrga ishonib bo‘lishiga shubham bor, ayniqsa, Chempionlar ligasida g‘alaba qozonishni istasangiz. Shou juda kam maydonga tushadi va u dunyoning eng yaxshisi emas. Maunt — ajoyib futbolchi, lekin u haddan tashqari ko‘p jarohat oladi», — deya sobiq futbolchining so‘zlarini keltirmoqda manba.
Qayd etish joizki, hozirda «Manchester Yunayted» Angliya Premyer-ligasi turnir jadvalida uchinchi o‘rinni egallab turibdi.
