Italiya A Seriyasining 3-turida «Roma» 27 avgust, shanba kuni «Yuventus» mehmoni bo‘ldi.

Uchrashuvning 2-daqiqasida Dushan Vlahovich jarimadan ajoyib zarba bilan turinliklarning tezkor goliga mualliflik qildi. "Yuve" birinchi bo‘limda yana bir chiroyli zarba orqali gol urgandi. Ammo hujumning rivojlanish pallasida to‘p Vlaxovichning qo‘liga  tegib ketgani uchun gol VAR yordamida bekor qilindi.

Bahsning 69-daqiqada Temmi Abraham muvozanatni tikladi. Eldor Shomurodov maydonga tushirilmadi.

Ushbu durang natijadan so‘ng turinliklar 5 ochko bilan 6-o‘rinni egallab turibdi. Joze Mourinyo shogirdlari esa 7 ochko bilan 3-o‘rinni band etgan.

A seriya, 3-tur
27 avgust, shanba
«Yuventus» – «Roma» 1:1
Gollar: 1:0 – 2 Vlahovich, 1:1 – 69 Abraham.
«Yuventus»: Shensni, De Shilyo, Danilo, Bremer, Aleks Sandro, Kuadrado (Makkenni, 77), Rabyo (Zakariya, 58), Kostich, Lokatelli (Rovella, 86), Miretti (Milik, 77), Vlahovich (Kin, 86).
«Roma»: Ruy Patrisiu, Karsdorp (Chelik, 62), Smolling, Manchini (El-SHaaravi, 46), Rojer, Spinassola (Zalevski, 46), Matich, Kristante, Pellegrini (Bove, 90+3), Dibala (Kumbula, 78), Abraham.
Ogohlantirishlar: Lokatelli (6), Kristante (41), Kostich (77), Chelik (90+5).