"Volfsburg" yarim himoyachisi Aster Vranks faoliyatini Italiyada davom ettirishi mumkin, deya xabar beradi jurnalist Fabrisio Romano.
Manbaga ko‘ra, 19 yoshli belgiyalik futbolchiga "Milan" da’vogarlik qilmoqda. Italiya chempioni yarim himoyachini 11,5 million yevroga sotib olish imkoniyati bilan ijaraga olmoqchi.
2021/22 yilgi mavsumda Vranks "Volfsburg" safida 28 ta o‘yinda 2 ta gol urgan. Transfermarkt.com portali futbolchining narxini 10 million yevroga baholamoqda.













