"Manchester Siti" bosh murabbiyi Pep Gvardiola yaqinda APL doirasida "Kristal Pelas"ga qarshi o‘yinda xet-trik qayd etgan hujumchi Erling Xolandning o‘yini haqida fikr bildirdi. Norvegiyalik futbolchi endilikda 6 ta gol bilan APL to‘purarlar jadvalida peshqadamlik qilmoqda.

"U "Vest Xem"ga qarshi o‘yinda xet-trik qayd etishi mumkin edi, ammo men uni almashtirdim. Biz bir o‘yinda ikki yoki uchta gol urish uchun emas, g‘alaba qozonish uchun kelganmiz. Raqamlar yaxshi, lekin u g‘alaba qozonishimizga yordam berish uchun shu yerda. Qolganlari unchalik muhim emas”, - dedi Gvardiola matbuot anjumanida.

Eslatib o‘tamiz, Xoland shu yozda "Borussiya Dortmund"dan "Manchester Siti"ga o‘tgan edi.