Ispaniyaning "Valensiya" klubi yarim himoyachisi Karlos Soler faoliyatini “PSJ”da davom ettiradi. Bu haqda insayder Fabrisio Romano ijtimoiy tarmoqlar orqali xabar bermoqda.

Manbaning xabariga ko‘ra, parijliklar rahbariyati yarim himoyachining transferi uchun 18 million yevro to‘laydi. Yana uch million bonus to‘lovlari sifatida ro‘yxatga olinadi. Tomonlar 2027 yilning o‘rtalariga qadar uzoq muddatli mehnat shartnomasini imzolaydi.

2021/2022 yilgi mavsumda Soler "ko‘rshapalaklar" uchun 38 ta uchrashuvda qatnashib, 12 ta gol urdi va 5 ta golli uzatmani amalga oshirdi.