Испаниянинг "Валенсия" клуби ярим ҳимоячиси Карлос Солер фаолиятини “ПСЖ”да давом эттиради. Бу ҳақда инсайдер Фабрицио Романо ижтимоий тармоқлар орқали хабар бермоқда.
Манбанинг хабарига кўра, парижликлар раҳбарияти ярим ҳимоячининг трансфери учун 18 миллион евро тўлайди. Яна уч миллион бонус тўловлари сифатида рўйхатга олинади. Томонлар 2027 йилнинг ўрталарига қадар узоқ муддатли меҳнат шартномасини имзолайди.
2021/2022 йилги мавсумда Солер "кўршапалаклар" учун 38 та учрашувда қатнашиб, 12 та гол урди ва 5 та голли узатмани амалга оширди.
