Bugun Pro-liganing 18-turida “Mash’al” safarda voha derbisi doirasida G‘uzorning “Sho‘rtan” jamoasiga qarshi maydonga tushadi.

Uchrashuv rasmiylari

G‘uzorda bo‘lib o‘tadigan “Mash’al” – “Sho‘rtan” uchrashuvini Ilya Ilin boshqarib boradi. Unga qanotlarda Daler Tilloyev va Amir Galeevlar yordam berishadi. Hakamlar ishini Rustam Bobomurodov nazorat qiladi.
Uchrashuv komissari : Alisher Fayziyev.

O‘zaro o‘yinlar

“Mash’al” va “Sho‘rtan” shu kungacha chempionat bahslarida 31 marta to‘qnash kelgan. G‘alabalar bo‘yicha “ Mash’al ” 19ta, “Sho‘rtan” esa 10tadan yutuqqa erishgan. 2 o‘yin durang bilan yakunlangan. Muborakliklar raqib darvozasini 57 bor ishg‘ol qilgan bo‘lsalar, g‘uzorliklar esa 25 gol urishgan.

“Mash’al”ning o‘zaro o‘yinlarda qozongan eng yirik g‘alabasi – 5:0 ga teng. “Sho‘rtan”da bu ko‘rsatkich 3:1 bo‘lib turibdi.