Бугун Про-лиганинг 18-турида “Машъал” сафарда воҳа дербиси доирасида Ғузорнинг “Шўртан” жамоасига қарши майдонга тушади.

Учрашув расмийлари

Ғузорда бўлиб ўтадиган “Машъал” – “Шўртан” учрашувини Илья Ильин бошқариб боради. Унга қанотларда Далер Тиллоев ва Амир Галеевлар ёрдам беришади. Ҳакамлар ишини Рустам Бобомуродов назорат қилади.
Учрашув комиссари : Алишер Файзиев.

Ўзаро ўйинлар

“Машъал” ва “Шўртан” шу кунгача чемпионат баҳсларида 31 марта тўқнаш келган. Ғалабалар бўйича “ Машъал ” 19та, “Шўртан” эса 10тадан ютуққа эришган. 2 ўйин дуранг билан якунланган. Муборакликлар рақиб дарвозасини 57 бор ишғол қилган бўлсалар, ғузорликлар эса 25 гол уришган.

“Машъал”нинг ўзаро ўйинларда қозонган энг йирик ғалабаси – 5:0 га тенг. “Шўртан”да бу кўрсаткич 3:1 бўлиб турибди.