Франция терма жамоаси ҳужумчиси Майкл Олисе Жаҳон чемпионатлари тарихида афсонавий бразилиялик ҳужумчи Пеленинг рекордини такрорлашга бир қадам қолдирди.
24 ёшли футболчи Жаҳон чемпионати–2026 1/16 финалида Швецияга қарши баҳсда иккита голли узатма муаллифи бўлди. Франция мазкур учрашувда 3:0 ҳисобида ғалаба қозонди.
Шу тариқа, Олисенинг ушбу мундиалдаги голли узатмалари сони бештага етди. Opta Sport маълумотига кўра, 1966 йилдан буён голли узатмалар статистикаси юритила бошлаганидан бери бир Жаҳон чемпионати доирасида бундан яхшироқ натижани фақат Пеле қайд этган. Афсонавий бразилиялик 1970 йилги мундиалда 6 та голли узатма амалга оширган.
Жаҳон чемпионати 1/8 финалида Франция терма жамоаси 5 июль куни Парагвайга қарши майдонга тушади.
