«Арсенал» клуби ҳужумчиси Виктор Дьёкереш фаолиятини Испанияда давом эттириши мумкин.
ElNacional.cat нашрининг хабарига кўра, «Барселона» шведциялик форвардга бўлган қизиқишини қайта тиклаган. Футболчининг ўзи ҳам ўтган мавсумда «канонирлар»нинг асосий таркибига мунтазам кира олмагани ва бу борада қийинчиликларга дуч келгани сабабли Каталония клубига ўтишга тайёр. Эҳтимолий трансфер суммаси 60 миллион еврони ташкил қилиши мумкин.
Виктор Дьёкереш 2025 йилда «Спортинг»дан «Арсенал»га 67 миллион евро эвазига кўчиб ўтган эди. Унинг лондонликлар билан шартномаси 2030 йилнинг 30 июнига қадар мўлжалланган. 2025/2026 йилги мавсумда ҳужумчи Лондон клуби сафида барча турнирларда 55 та ўйинда майдонга тушиб, 21 та гол урди ва 3 та голли узатмани амалга оширди.
