«Атлетико» бош мураббийи Диего Симеоне Испания Ла Лигасининг 7-туридан ўрин олган мадрид дербисидаги ғалабадан (2:1) сўнг, «Реал» устози Жозе Моуриньонинг ҳакамлик шаънига айтган танқидий фикрларини кескин қоралади.

«Биз бошқа одамларнинг фикрини ҳурмат қиламиз. Биз имтиёзли мавқедамиз ва шу билан бирга доимо эътибор марказидамиз — бу Симеоне, Моуриньо, Флик ёки Пеллегрини бўладими, фарқи йўқ. Фикр билдирганда эҳтиёткор бўлиш ва ҳурмат кўрсатишни билиш керак. Ҳаммамиз вақти-вақти билан мағлуб бўлиб турамиз. Аммо ҳурмат чегарасидан ўтиб кетиш хавфли — бу Моуринью бўладими, Флик ёки Симеоне бўладими. Ҳамма нарсага ҳам рухсат берилавермайди. Бу чегарани ҳеч қачон кесиб ўтмаслик керак», — деди «Атлетико» бош мураббийи.

Учрашувда Мигель Анхель Ортис Арьяс бош арбитр сифатида иш олиб борди. Олтита ўйиндан сўнг «Атлетико» 16 очко жамғариб, Ла Лига турнир жадвалида иккинчи ўринни эгаллаб турибди. «Реал» эса 15 очко билан тўртинчи поғонада жойлашган.