«Atletiko» bosh murabbiyi Diyego Simeone Ispaniya La Ligasining 7-turidan o‘rin olgan madrid derbisidagi g‘alabadan (2:1) so‘ng, «Real» ustozi Joze Mourinyoning hakamlik sha’niga aytgan tanqidiy fikrlarini keskin qoraladi.
«Biz boshqa odamlarning fikrini hurmat qilamiz. Biz imtiyozli mavqedamiz va shu bilan birga doimo e’tibor markazidamiz — bu Simeone, Mourinyo, Flik yoki Pellegrini bo‘ladimi, farqi yo‘q. Fikr bildirganda ehtiyotkor bo‘lish va hurmat ko‘rsatishni bilish kerak. Hammamiz vaqti-vaqti bilan mag‘lub bo‘lib turamiz. Ammo hurmat chegarasidan o‘tib ketish xavfli — bu Mourinyu bo‘ladimi, Flik yoki Simeone bo‘ladimi. Hamma narsaga ham ruxsat berilavermaydi. Bu chegarani hech qachon kesib o‘tmaslik kerak», — dedi «Atletiko» bosh murabbiyi.
Uchrashuvda Migel Anxel Ortis Aryas bosh arbitr sifatida ish olib bordi. Oltita o‘yindan so‘ng «Atletiko» 16 ochko jamg‘arib, La Liga turnir jadvalida ikkinchi o‘rinni egallab turibdi. «Real» esa 15 ochko bilan to‘rtinchi pog‘onada joylashgan.
