Ozarbayjon, Qozog‘iston va O‘zbekiston terma jamoalari Rossiyaga qarshi o‘rtoqlik o‘yinlari o‘tkazmoqchi emas, deb xabar berdi Eurostavka.ru nashri.

Nashrning yozishicha, Qozog‘iston futbol federasiyasiga yaqin manba RFUdan o‘rtoqlik o‘yini o‘tkazish bo‘yicha murojaat bo‘lganini, biroq hammasi suhbat darajasida qolganini aytdi. Qozog‘iston uning imij nuqtai nazaridan qanday ko‘rinishi bilan qiziqdi. Natijada ular rad etishdi.

O‘zbekiston futbol federasiyasiga yaqin manbaning Eurostavka nashriga ma’lum qilishicha, tashkilot u bilan o‘ynamaslik uchun Rossiya qiziqqan sanalarda faol ravishda raqib qidirmoqda. Ozarbayjon futbol federasiyasidagi manba Rossiya bilan o‘rtoqlik o‘yini rejalashtirilmaganini ma’lum qildi.

7 sentyabr kuni Rossiya terma jamoasi Qirg‘iziston bilan 24 sentyabr kuni bo‘lib o‘tadigan o‘yin uchun kengaytirilgan tarkibni e’lon qildi. Shuningdek, noyabr oyida terma jamoa Eron bilan mehmonda o‘ynaydi.

9 sentyabr kuni Rossiya hamda Bosniya va Gersegovina terma jamoalari o‘rtoqlik o‘yini o‘tkazishi ma’lum bo‘ldi. O‘yin 19 noyabrga belgilangan va Sankt-Peterburgda o‘tkazilishi kerak.