"Atletiko" yarim himoyachisi Koke Madrid derbisi oldidan Vinisius Juniorning gollarni nishonlash uslubi haqida gapirdi.
Ispaniyalik futbolchining so‘zlariga ko‘ra, Vini "Atletiko"ga qarshi safar uchrashuvida gol urganidan keyin raqsga tushsa, muammolar bo‘lishi mumkin.
“Men uning gol nishonlashini tushunmadim. Har kimning o‘z xohishi bor, har kim o‘zi xohlagancha gol urishi mumkin, lekin menimcha, agar u bizga qarshi shunday qilsa, muammolarga duch keladi. Bu tabiiy holat, ajablanadigan narsa yo‘q", - deydi Koke.
La Liga doirasidagi “Atletiko” – “Real” uchrashuvi 18 sentyabr kuni bo‘lib o‘tadi.
